Zimanê dê naçilmise

Dibişkivehê şîn dibe

Zimanê dê gul-sosin e

Bîhna xweş timê dide.

Zimanê dê hişk nabe

Rayên xwe hê kûr dike

Zimanê dê mezin dibe

Û berê qenc timê dide.

Zimanê dê ava kanî ye

Zimanê ziha hêsa dike

Zimanê dê pêta agir e

Ku dilê qerimî dihelîne.

Zimanê dê her tişt e

Bêy wî têkilî qe çênabe

Zimanê dê wek pirek e

Ku min û te Yek dike.

Zimanê dê şabûnek e

Ku çavên şil ziha dike

Zimanê dê ji Xwedê ye

Wek mîras me re daye.

<<R.T.X.>>

Têngîz Siyabendî